Ine journée au foot ! (16 juin 2008)
M'eure v'là core in coup ! J'a pas gramin l'timps d'm'occuper de ch'blog in ch'momint. Comme tous ché r'traité, j'suis débordé !!! J'vas tout d'même vous faire vire queques photos ed'not journée d'hier. Avec not'club ed'foot, in a été à un tournoi toute el'journée à Duclair (dins les invirons ed'Rouen pour cheux qui connaissent point). Y'avos ch'tchiot qu'em femme al a gardé jusqu'a ses 11 ans qui juot. Y'est in Benjamins à ch't'heure.
L'v'la avec ses copains à gauche in haut (in Sang et Or, bien sur !). Y'éto fier car y'éto Capitaine de s'n'équipe
Là, y centre avec sin pied gauche car, comme j'y dis toudis, sin pied droit il y sert qu'à monter dins ch'bus !!
Just'à l'heure ed'minger, in a pris ine drache. In haut, ché ses parints et es'Mamie avec em'tchiotte femme. N'empêche qu'in a passé tout de même ine bonne journée avec ch'tchiot. Y'est né in Normandie et toute es'famile al est normande mais quand y parle du Racing, y dit toudis "Nous". Comme hier qui m'a dit :"Hein, tonton, on va remonter en ligue 1 l'anné prochaine, nous ?". Alors d'puis ch'film ed'Dany Boon, il s'appelle "Biloute". Un vrai ch'ti, ch'Normand là !!!