Un r'tour à l'fosse 14 (31 mai 2008)

Avec el'photo là, in r'tourne rue Lamennais, à l'fosse 14 à Lens. Dins ch'gardin ed'min père avec Claudine pis cor mes deux tchiottes soeurs (in 1955 aussi, in peu avant l'aute photo in Normandie). Derrière, y'a Bernard et m'mère qu'a l'air de bien s'marrer. In vos aussi l'vollière à droite et dins l'fond, les maisons des pinsionnés et l'porte ed'chelle d'madame Adam surnommée "La Petite Polonaise".

Ch'éto ine t'chiotte femme qu'j'ai toudis connu vieille. In France d'puis des dizaines d'années, al avait jamais parlé ch'francais correctemint. Al connaissos juste queque mots d'patois qui lui suffisos pour parler dins ch'coron d'où qu'tous les gins y l'aimotent bien. Al aimos bien printe d'timps in timps un p'tit coup d'Porto ché s'voisine ! In l'voyait alors rintrer a s'mason en s'tenant à ché murs !! Cha, ché des souvenirs !!!!